آیت انذار

آیت انذار، سورہ شعراء کی دوسوچودہویں آیت ہے جو بعث کے تین سال بعد رسول اللہ(ص) پر نازل ہوئی۔ آپ(ص) کو اس آیت کے تحت حکم ہوا کہ اپنے قریبی خاندان والوں کو ڈرادیں اور خبردار کریں۔ چنانچہ رسول اللہ(ص) نے ان سب کو دعوت دی اور انہیں اسلام کی دعوت دینے کے بعد حضرت علی بن ابیطالب(ع) کو اپنے جانشین اور خلیفہ کو طور پر متعارف کرایا۔

آیت کا متن

“وَأَنذِرْ عَشِيرَتَكَ الْأَقْرَبِينَ” ﴿۲۱۴﴾ اور اپنے قریبی خاندان والوں کواندیشہ عذاب سے خبردار کیجئے۔

اس آیت کے مطابق رسول اللہ(ص) کو حکم ملا کہ اپنے قرابت داروں کو اسلام کی دعوت دیں اور انہيں ڈرا دیں اور متنبہ کریں۔

اقارب کو دعوت اسلام اور امیرالمؤمنین(ع)کی جانشینی کا اعلان

شیعہ اور اہل سنت کی تفاسیر کے مطابق، اس آیت کریمہ کے نزول کے بعد رسول اللہ(ص) نے اپنے چالیس قریبی رشتہ داروں کو دعوت دی اور ان سے کہا:

اے اولاد عبدالمطلب! میں نہيں سمجھتا کہ عرب میں کوئی اپنی قوم کے لئے اس سے بہتر کوئی چیز لایا ہو جو میں تمہارے لئے لایا ہوں۔۔۔ اور میں تمہیں دو کلموں کی طرف بلاتا ہوں اور تم ان ہی دو کلموں کے ذریعے جنت میں داخل ہوگے اور ان ہی دو کلموں کے ذریعے دوزخ سے نجات پاؤگے: کہہ دو “لااله الا الله” اور میری رسالت پر گواہی دو اور اس کی تصدیق کرو۔

اس کے بعد فرمایا: “تم میں سے کون ہے جو اس مسئلے میں میری مدد کرے تاکہ وہ تمہارے درمیان میرا وصی اور جانشین ہو؟”، سب خاموش ہوگئے اور علی(ع) نے کہا:

“اے رسول خدا(ص)! میں آپ کی مدد و معاونت کروں گا”۔

رسول اللہ(ص) نے خاندان والوں سے مخاطب ہوکر فرمایا: “یہ تمہارے درمیان میرے وصی اور جانشین اور خلیفہ ہیں، ان کی بات سنو اور اطاعت کرو۔

آپ کے ان الفاظ کے بعد خاندان کے بعض افراد نے [[ابوطالب علیہ السلام سے مخاطب ہوکر کہا:

اے ابا طالب! اپنے بیٹے کی اطاعت کرو کیونکہ وہ اس کے بعد تمہارے امیر ہوچکے ہیں۔^[1]

متعلقہ مضامین

حدیث یوم الدار

حوالہ جات

مآخذ