طہارت

طہارت، فقہی ایک اصلاح اور ایک ایسی حالت کا نام ہے جو بعض شرعی افعال جیسے وضو، غسل اور تیمم سے حاصل ہوتی ہے اور جو چیزیں نجاسات دور کرنے کا باعث بنتی ہیں انہیں شیعہ فقہ میں مُطَہِّرات یا پاک‌ کرنے والی چیزیں کہا جاتا ہے۔

نجاست سے طہارت اور پاکیزگی بعض عبادات جیسے نماز کے صحیح ہونی کی شرط ہے۔

ظاہری طہارت میں بدن اور کپڑوں کا نجاسات سے پاک ہونا مراد ہے، اور باطنی طہارت ایک ایسی پاکیزگی اور نورانیت ہے جو وضو، غسل یا تیمم سے حاصل ہوتی ہے جبکہ اخلاقی طہارت، روح کا شرک اور گناہ کی آلودگیوں سے پاک ہونا ہے۔

حمام کی ٹینکی اور گھروں میں کُر کی مقدار کے تالاب اور حوض ، … مسلمانوں کا طہارت کے احکام کی رعایت کرنے کا نتیجہ ہے۔

مسلمانوں کی زندگی میں طہارت کی اہمیت کبھی غلط فہمی کی وجہ سے بعض دفعہ نجس اور پاک کے بارے میں وسواس کی بیماری کا سبب بنا ہے۔

طہارت کا معنی اور اقسام

طہارت، آلودگیوں سے داخل اور خارج کو پاک کرنے کا نام ہے۔ ^[1] جس پر علم فقہ اور اخلاق میں بحث ہوتی ہے۔ فقہ میں طہارت کی دو قسمیں ہیں: نجاسات سے ظاہری طہارت اور باطنی طہارت جو وضو، غسل یا تیمم سے حاصل ہوتی ہے۔

اخلاقی طہارت سے مراد شرک اور غیر اخلاقی جڑوں کا اپنے اندر سے دور کرنے اور توحید و انسانی کمال کی صفات سے خود کو مزین کرنا ہے۔ اخلاقی طہارت کی انتہا انسانی عصمت ہے۔ اللہ تعالی نے سورہ احزاب میں اہل بیت کو اس طہارت کے مرتبے پر فائز قرار دیا ہے۔ ^[2]

طہارت کی اہمیت قرآن اور احادیث کی روشنی میں

«طُہر» کا لفظ اور اس سے مشتق شدہ الفاظ قرآن مجید میں 31 بار آئے ہیں۔ مسجد روح کو پاکیزہ کرنے کی جگہ معرفی ہوئی ہے۔ اور اللہ تعالی کو پاک لوگوں کا دوست معرفی کیا ہے۔^[3]

اسی طرح سے قرآن مجید میں غسل، وضو اور تیمم انجام دینے کے احکام بیان کرنے کے بعد فرماتا ہے: اللہ تعالی تمہیں مشکلات اور دشواری ایجاد کرنا نہیں چاہتا ہے بلکہ وہ آپ کو پاک کرنا چاہتا ہے۔^[4]

سورہ شمس میں اللہ تعالی کئی عظیم قسموں کے بعد فرماتا ہے: «یقینا وہ شخص کامیاب ہوا جس نے اپنے نفس کو پاکیزہ کیا اور جان کو پاک کیا اور وہ شخص محروم ہوا جس نے اسے آلودہ کیا۔» یہ سب تاکید اس لئے ہے کہ دل کی طہارت بدن کی پاکیزگی سے زیادہ اہم ہے۔^[5]
روایات میں بھی 5500 احادیث طہارت کے موضوع پر موجود ہونا طہارت کی اہمیت کو بیان کرتی ہیں۔ طہارت کے آثار میں میں سے طول عمر^[6]، گناہوں کا کفارہ، شہدا کا اجر، ^[7] قیامت کا نور،^[8] اور مادی اور معنوی رزق و روزی میں وسعت^{[9] [10]} قابل ذکر ہیں۔

فقہی طہارت

اسلام کے عملی احکام میں طہارت اہم اور وسیع مسائل میں سے ہے جس کو توضیح المسائل کے سب سے پہلے باب میں بیان کیا جاتا ہے اور فقہ کی کتابوں میں بھی اکثر مصنفین سب سے پہلے طہارت کی بحث کرتے ہیں۔ اور طہارت کی دو قسمیں ہیں:

نجاسات سے طہارت

اسلامی فقہ میں بدن اور لباس کا نجاسات سے پاک ہونا بعض عبادات جیسے نماز(سوائے نماز میت) اور حج کی شرائط میں سے ہے۔ مساجد اور پیغمبر اکرم اور ائمہؑ کے حرم بھی ہر قسم کی نجاسات سے پاک ہونی چاہیے۔ اسی طرح نجس چیزوں کا کھانا بھی حرام ہے۔ اس قسم کی طہارت اور پاکیزگی کو خَبَث سے طہارت کرنا کہلاتا ہے۔

اسلامی احکام میں دس نجاسات کے علاوہ باقی سب چیزیں پاک ہیں۔ نجاسات مندرجہ ذیل ہیں:

اگر کوئی پاک چیز نجس ہوجائے تو مُطَہِّرات کے ذریعے اسے پاک کیا جاسکتا ہے۔ مطہرات مندرجہ ذیل ہیں:

طہارت (وضو، غسل یا تیمم)

اس طہارت کو حَدَث سے طہارت کرنا بھی کہا جاتا ہے اور یہ روحانی اور معنوی ایک حالت کا نام ہے جو وضو، غسل یا تیمم کے ذریعے سے حاصل ہوتی ہے۔ اس کے انجام دینے میں قصد قربت ضروری ہے۔^[11] نماز، طواف اور بعض موارد میں روزہ اس قسم کی طہارت سے مشروط ہے اور بعض دیگر امور جیسے قرآئت قرآن مجید، قرآن کو اپنے ساتھ رکھنا، دعا، نماز ميّت، زيارت اہل قبور، مسجد میں داخل ہونے اور سونے کے لیے ۔۔۔۔ مستحب ہے اور قدر و منزلت میں اضافے کا باعث بنتی ہے، طہارت کے بغیر قرآن مجید کی آیات کو مس کرنے اور اہل بیتؐ کے اسماء کو چھونا حرام ہے۔ یہ طہارت حَدَث (سونے، بے ہوشی، معدے سے ہوا کا خارج ہونا یا بول و غائط جنابت، حیض، استحاضہ، نفاس اور میت کے سرد شدہ بدن کو لمس کرنے) سے باطل ہوتی ہے۔
اخلاق کے مربی بھی ایک سالک کو ظاہری طہارت ^[12] کو ضروری سمجھتے ہیں^[13]اور ان کی نظر میں ذکر اور دعا کی تاثیر کی اہم شرائط میں سے ایک انسان کا طہارت کے ساتھ رہنا ہے^[14]یہاں تک کہ ذکر کی جگہ کو بھی پاک ہونا ضروری سمجھتے ہیں۔^[15]

اخلاقی طہارت

اخلاقی طہارت سے مراد دل اور روح کو شر، معنوی آلودگیوں اور بداخلاقی سے پاک کرنا ہے اور علم عرفان کے اساتذہ کے کہنے کے مطابق یہ ان اہم مسائل میں سے ہے جس کی انسان کو تمام تر سختیوں اور مشقتوں کو تحمل کرتے ہوئے اس کو انجام دینا چاہیے اور اپنے باطن کو پاک کرتے ہوئے باطنی نجاست کے ننگ و عار سے خود کو آزاد کرنا چاہیے۔^[16]

عرفاء نے طہارت کے مندرجہ ذیل چار مرتبے بیان کیا ہے:

1. بدن کو حَدَث اور خَبَث سے پاک کرنا؛
2. اعضاء و جوارح کو معصیت اور گناہوں سے پاک کرنا؛
3. نفس کو برے اخلاق اور پست صفات سے پاک کرنا؛
4. دل کو غیر خدا سے پاک کرنا، اور اس کے بھی چار مرتبے ہیں:
   1. ذہن کی طہارت
   2. عقل کی طہارت
   3. قلب کی طہارت
   4. سرّ کی طہارت^[17].

متعلقہ صفحات

حوالہ جات

مآخذ

• فرہنگ سیاح
• کلیات فقہ اسلامی، علیرضا علی نوری،
• سید بحر العلوم؛ رسالہ سیر و سلوک (تحفۃ الملوک)، انتشارات علامہ طباطبایی،چاپ چہارم، ۱۴۱۸ق
• حسن زادہ آملی، حسن؛ نور علی نور، انتشارات تشیع، چاپ ششم، ۱۳۷۶ش
• سرالصلوۃ، امام خمینی، ص۳۷، مرکز نشر آثار امام خمینی.
• امالی، شیخ مفید، مترجم استاد ولی، ص۷۴، آستان قدس.
• دعائم الاسلام، نعمان بن محمد، آل البیت.
• حسن‌زادہ حسن، تعلیقات بر آغاز و انجام (تالیف خواجہ نصیر الدین طوسی رہ)، وزارت ارشاد، تہران، چاپ چہارم، ۱۳۷۴ش.