سیدہ نساء العالمین

سیدہ نساء العالمین حضرت فاطمہ زہراءؑ کے القاب میں سے ایک ہے جس کے مطابق آپ دنیا اور آخرت میں تمام عورتوں کی سردار ہیں۔ یہ لقب پیغمبر اکرم(ص) نے حضرت زہراء(س) کو عطا فرمایا۔ امام علی(ع) بھی حضرت فاطمہ(س) کو اسی لقب سے خطاب فرماتے تھے۔

پیغمبر(ص) کا عطا کردہ لقب

اہل سنت کے معتبر مصادر میں آیا ہے کہ پیغمبر(ص) نے حضرت فاطمہؑ سے فرمایا: اے فاطمہ! کیا آپ اس پرراضی نہیں کہ تم عالمین کی مومنہ عورتوں کی سردار ہو؟ ^[1] امام علی(ع) نے بھی حضرت فاطمہؑ کے مزار پر ہونے والی گفتگو میں آپ کو اسی لقب سے یاد کیا ہے۔ ^[2]
اسی طرح بعض زیارت ناموں جیسے زیارت وارثہ، زیارت عاشورا نیز حضرت زہراء(س)، امام رضا(ع) اور حضرت معصومہ(س) کی ماثورہ زیارتوں میں بھی حضرت زہرا کو اسی لقب سے یاد کیا گیا ہے۔

اہل سنت کی نگاہ میں بہترین خاتون

اہل سنت کے بعض علماء جیسے سیوطی، نسائی، ابوداود، قاضی قطب الدین وغیرہ نے نقل کیا ہے کہ حضرت زہراء مختلف دلائل کی بنا پر دنیا کی بہترین عورتوں میں سے ہیں منجملہ ان دلائل میں سے بعض درج ذیل ہیں:

• پیغمبر اکرمؐ کی حدیث: فاطمة بضعة منی، فاطمہ میرا پارۂ تن ہے چونکہ پیغمبر اکرمؐ تمام مخلوقات میں سب سے افضل ہیں تو آپ کا پارہ تن بھی تمام عورتوں سے افضل ہے۔
• خود پیغمبر اکرمؐ نے حضرت فاطمہؑ سے مخاطب ہو کر فرمایا: اما ترضین ان تکونی سیدةالنساء المومنین کیا آپ اس بات پر راضی نہیں کہ آپ تمام مومنہ عورتوں کی سرادر ہیں۔
• پیغمبر اکرم کی ازواج کے افضل ہونے کی حدیث کا مردود، ضعیف اور غیر مستند ہونا۔^[3]

حضرت فاطمہ(س) کی شان میں علامہ اقبال کا فارسی میں کلام:

حوالہ جات