20 لاکھ سے زیادہ زائرین حسینی کربلا پہنچ چکے ہیں

عراق کی وزارت داخلہ کے فوجی مشیر نے کہا ہے کہ ماہ صفر کے آغاز سے اب تک بیس لاکھ سے زائد ایرانی زائرین، اربعین حسینی میں شرکت کے لئے عراق میں داخل ہوچکے ہیں اور یہ سلسلہ ابھی جاری ہے-

عراق کی وزارت داخلہ کے فوجی مشیر نے کہا ہے کہ ماہ صفر کے آغاز سے اب تک بیس لاکھ سے زائد ایرانی زائرین، اربعین حسینی میں شرکت کے لئے عراق میں داخل ہوچکے ہیں اور یہ سلسلہ ابھی جاری ہے-

میجر جنرل محمد ناصر الحسین نے منگل کو کہا کہ ایرانی زائرین نے ماہ صفر کی پہلی تاریخ سے عراق میں داخل ہونا شروع کیا اور حالیہ دنوں میں ان زائرین کی تعداد میں بہت زیادہ اضافہ ہوا ہے-

در ایں اثنا عراق کی سرحد شلمچہ کے ڈائریکٹر محمد خیون نے ایران کی وزارت خارجہ کے حکام اور دونوں ملکوں کے سرحدی حکام اور کمانڈروں کے ساتھ  ایک اجلاس میں، زائرین کو بہترین انداز میں سہولتیں  فراہم کئے جانے کے اقدامات کی قدردانی کی-

عراق میں ایران کے سفیر حسین دانائی فر نے بھی چزابہ سرحد پر اربعین حسینی میں شرکت کرنے والوں کے ساتھ دونوں ملکوں کے سرحدی حکام کا تعاون جاری رہنے پر تاکید کی- 

تبصرے
Loading...