اہل بیت(ع) نیوز ایجنسی۔ابنا۔ امام حسین علیہ السلام کی عزاداری کے ایام کی آمد پر جمہوریہ کانگو میں اہل بیت(ع) عالمی اسمبلی کے مبلغین نے ایک باہمی نشست کا انعقاد کیا جس میں ایام محرم میں تبلیغی امور کی انجام دہی میں تبادلہ خیال کیا گیا۔
اس نشست میں اسمبلی کے نمائندے حجت الاسلام و المسلمین سید محمد ذوالفقاری نے جمہوریہ کانگو کے مختلف علاقوں میں تبلیغی سرگرمیاں انجام دینے والے مبلغین کو حضرت زینب سلام اللہ علیہا کے نقش قدم پر چلنے والے افراد قرار دیتے ہوئے کہا کہ واقعہ عاشورہ کو زندہ رکھنا اور اس کے پیغام کو دنیا کے کونے کونے تک پہنچانا ہم سب کی ذمہ داری ہے لیکن پیغام عاشورہ اسلامی وحدت اور ہمدلی کے ساتھ انجام پانا چاہیے جو خود عاشورہ کے اہم مقاصد میں سے ایک ہے۔
