حدیث وصایت

حدیث وصایت رسول اکرم کی وہ حدیث ہے جس میں آپ نے حضرت علیؑ کو اپنا وصی اور جانشین مقرر فرمایا ہے۔ شیعہ اور اہل سنت مصادر و مآخذ میں یہ حدیث مختلف الفاظ کی صورت میں بیان ہوئی ہے۔ ان میں سے سب سے مشہور تعبیر لِكُلِّ نَبِيٍّ وَصِيٌّ وَ وَارِثٌ وَ إِنَّ عَلِيّاً وَصِيِّي وَ وَارِثِي‏ ہے جسے بریدہ بن حصیب نے رسول اللہ سے نقل کیا ہے۔

متن

حدیث وصایت شیعہ اور سنی مصادر جیسے فضائل الصحابہ ابن حنبل،^[1] مناقب ابن مغازلی،^[2] المعجم الکبیر طبرانی،^[3] تاریخ مدینہ دمشق،^[4] مناقب خوارزمی،^[5] الکامل جرجانی،^[6] تذکرۃ الخواص،^[7] کفایۃ الأثر،^[8] من لا یحضرہ الفقیہ،^[9] دلائل الإمامۃ،^[10] مناقب ابن شہر آشوب^[11] و بحارالانوار^[12] میں مذکور ہے۔ عبداللہ بن بریدہ عبارت لِكُلِّ نَبِيٍّ وَصِيٌّ وَ وَارِثٌ وَ إِنَّ عَلِيّاً وَصِيِّي وَ وَارِثِي‏ نے اسے رسول اکرم سے نقل کیا ہے۔^[13] سلمان فارسی نے رسول اللہ سے انکے وصی کے متعلق استفسار کیا تو آپ نے جواب دیا: میرا وصی اور وارث وہ ہے جو میرا قرض ادا کرے گا اور میرے وعدوں پر عمل کرے گا اور وہ علی بن ابی‌ طالب ہیں۔^{[14][نوٹ 1]}

ایک اور روایت میں علی بن علی ہلالی اپنے باپ سے نقل کرتا ہے: پیغمبر نے سیدہ زہرا سے مخاطب ہو کر فرمایا:وَصِيِّي خَيْرُ الْأَوْصِيَاءِ وَ أَحَبُّہُمْ إِلَى اللَّہِ وَ ہُوَ بَعْلُكِ^[15] میرا وصی اوصیا میں سے بہترین وصى، ان میں سے خدا کا محبوب ترین ہے اور وہ تمہارا شوہر ہے۔

مضمون

حدیث وصایت کا مضمون خلافت علی اور ان کی جانشینی سے متعلق ہے۔ شیعہ علما اسے علی بن ابی طالب کی امامت کے دلائل میں سمجھتے ہیں؛ وہ حدیث میں وصایت کو جانشنی کے معنا میں سمجھتے ہیں اور وہ معتقد ہیں کہ رسول اللہ نے اس حدیث کے مطابق حضرت علی کو اپنا جانشین مقرر کیا ہے۔^[16] لیکن بعض اہل سنت علما اسے خلافت کے معنا میں نہیں سمجھتے بلکہ اس معنا میں سمجھتے ہیں کہ رسول اللہ اپنے خاندان کے بارے میں حضرت علی کو سفارش کی تھی۔^[17] اس کے جواب میں کہتے ہیں کہ رسول اللہ نے حضرت علی کو کسی قید و شرط کے بغیر اپنا وصی قرار دیا ہے اور کوئی ایسا قرینہ یہاں موجود نہیں ہے کہ جو ان کے خاندان سے مقید ہونے پر دلالت کرتا ہو۔ ^[18] حمدی بن عبدالمجید سلفی نے المعجم الکبیر کے تحقیقی نسخے میں کہا ہے کہ اگر حدیث کی سند صحیح ہوتی تو وہ خلافت اور جانشینی کے مسئلے پر دلالت کرتی ہے۔^[19]

سند

حدیث وصایت مختلف اسناد کے ساتھ بریدہ،^[20] سلمان،^[21]ابو ایوب انصاری اور انس بن مالک^[22] سے اہل سنت کے مآخذ میں مروی ہے۔ تذکرۃ الخواص کے مصنف سبط بن جوزی نے سلمان کی روایت کو دو اسناد سے نقل کیا ہے اور فضائل الصحابہ میں مذکور سند کو صحیح سمجھتا ہے۔^[23]

اہل سنت کے ابن جوزی،^[24] جلال الدین سیوطی^[25] اور ہیثمی^[26] جیسے علما اس حدیث کے سلسلۂ سند میں محمد بن حمید رازی یا علی بن مجاہد واقع ہونے کی وجہ سے تردید رکھتے ہیں اور اسے قبول نہیں کرتے ہیں جبکہ اس کے مقابلے میں سید علی میلانی کہ کہنا ہے کہ محمد بن حمید صحاح ستہ کے راویوں میں سے ہے اور ثقہ ہے۔^[27] اسی طرح صحاح ستہ میں سے سنن ترمذی کے مصنف نے اور احمد بن حنبل نے علی بن مجاہد سے روایت نقل کی ہے۔ ^[28]

حوالہ جات

مآخذ