حافظ بشیر حسین نجفی

حافظ بشیر حسین نجفی دنیائے تشیع کے مرجع تقلید ہیں۔ عراقی شہر نجف میں حوزۂ علمیہ کے زعیم مانے جاتے ہیں نیز اس وقت نجف میں علم اصول فقہ اور علم فقہ کے معروف اساتید میں سے شمار ہوتے ہیں۔ 39 کے قریب کتابوں کے مؤلف ہیں۔ عراق میں سابق فوجی حکمران صدام حسین کی حکومت کے دوران نجف میں حوزوی تعلیم کے سلسلے کو اس دور کے نامساعد حالات میں جاری رکھنے میں آپ کی خصوصی کاوشیں شامل ہیں۔ اسی طرح عراق میں عوامی حکومت کے قیام کے بعد نجف سمیت دیگر مختلف علاقوں میں در پیش مشکلات کے حل کیلئے نجف میں مختلف مدارس کا قیام، دینی کتابوں کی طباعت، طلبہ کیلئے تعلیمی قوانین کا اجرا، نجف میں بجلی کی فراہمی، زائرین، غرباء اور حاجتمندوں کی مشکلات کے حل کیلئے آپ کی سرپرستی میں کئے جانے والے مختلف اقدامات کو قدر کی نگاہ سے دیکھا جاتا ہے۔

خاندان

آپ کا خاندان بنیادی طور پر ہند و پاک کی تقسیم سے پہلے ہندوستان کے صوبے پنجاب کے شہر جالندھر میں آباد تھا۔ پاک و ہند کی تقسیم کے بعد پاکستان کے معروف شہر لاہور کے مضافات میں باٹا پور نامی جگہ آکر آباد ہوا۔ جہاں تشیع موجود نہ تھی اور آپ کے خاندان کی مذہبی تبلیغات کی بدولت وہاں تشیع پھیلی کیونکہ آپ کے دادا اور چچا مولانا خادم حسین عالم دین تھے۔^[1]

تعلیم و تربیت

ابتدائی دینی تعلیم اپنے دادا محمد ابراہیم بن عبد اللہ اور چچا خادم حسین کے پاس حاصل کی اور پھر قرآن حفظ کیا۔ 1961ء سے لے کر 1965ء تک لاہور کے دینی مدرسے جامعۃ المنتظر (موجودہ جامع المنتظر) میں داخل ہوئے جہاں مولانا شیخ اختر عباس سے تعلیم حاصل کی۔ 1965ء میں نجف اشرف گئے۔

نجف اشرف

1965ء میں نجف اشرف گئے جہاں درج ذیل اساتذہ سے کسب فیض کیا:

تدریس

جامعۃ المنتظر میں تدریسی فرائض انجام دیئے اور 1966ء میں نجف اشرف آکر باقاعدہ تدریسی خدمات انجام دینا شروع کیں اور 1974ء میں باقاعدہ درس خارج کا آغاز کیا جس کا سلسلہ ابھی تک جاری ہے۔

تالیفات

آپ کی عربی تالیفات کے درج ذیل اسما ہیں:

ان میں سے بعض کتابوں کا مختلف زبانوں میں ترجمہ ہو چکا ہے۔

حوالہ جات

مآخذ

سید حسین عارف نقوی، تذکرہ علمائے امامیہ پاکستان، مرکز تحقیقات فارسی ایران و پاکستان (اسلام آباد)