امام حسین ‏ع نے ساری دنیا کو درس استقامت دیا ہے، خطیب جمعہ تہران

تہران کے خطیب جمعہ حجت الاسلام و المسلمین ابوترابی فرد نے حضرت امام حسین علیہ السلام کو ایران، عراق شام، یمن اور بحرین کی قوموں کے لئے عملی نمونہ قرار دیا ہے۔

تہران کی مرکزی نماز جمعہ کے خطیب حجت الاسلام و المسلمین ابوترابی فرد نے کہا ہے کہ واقعہ کربلا نے ہمیں جینے کا عملی درس دیا ہے اور دفاع مقدس کے دوران ہم نے منطق عاشورہ کا عملی تجربہ کیا ہے۔
انہوں نے کہا کہ ہمارے دفاع مقدس نے لبنان و عراق کے عوام کو مزاحمت کا سلیقہ سکھایا اور یہ بتایا کہ سامراجی اور تسلط پسند طاقتوں کا مقابلہ کیا جا سکتا ہے۔
انہوں نے کہا کہ ایران کے عوام حضرت امام حسین علیہ السلام کی تحریک پر پوری سختی اور استقامت کے ساتھ کاربند ہیں۔
حجت الاسلام و المسلمین ابوترابی فرد نے صیہونی حکومت کے وزیراعظم کی تشویش کی جانب اشارہ کرتے ہوئے کہا کہ اسرائیل کو اچھی طرح معلوم ہے کہ اس کے زوال اور نابودی کا وقت قریب آگیا ہے۔

 

تبصرے
Loading...